An Middelweek, den 11. Dezember is dat wedder sowiet. Avends Klock 8 geiht dat op de Bühn vun uns School los.
„Dat Speel üm Jupiter“ von Manuela Reimers heet de Spaaß.
Speeler un Hölpers sünd: Rolf Bubelach, Karsten Delfs, Marita Richter, Elke Gliesmann, Bianca Runge sowie Elfriede Göttsch un Jochen Hartz. Mit Marita Richter is een ne´es Gesicht dorbi
Wat speelt sick dor af? Ditmol geiht nich üm de Söög „Anita“, ditmol is de Bull „Jupiter“ an de Reeg. Dat is de ganz Stolz vun Heiner Meiners. He levt mit Söhn Reimer un Süster Lisbeth up sien Hoff. Man de Bull Jupiter kann nich mehr so as he schall. Dor mutt nu Fru Dokter her un em hölpen. Mit Salv to ´n inböten bi de Köh ward dat seker beter gahn, dat Jupiter wedder Lust kriggt. Jo un denn meent Tante Lisbeth, dat dat höchst Tiet ward, dat Reimer een Frau kriggt. So geiht dat Verwesseln denn los.
Uns Tokiekers un wi ward wedder een vergnöögten Avend hebben.
Also nich vergeeten.
